အခန်း ၁၃၂ : ဒုက္ခကြုံရရှာလေသောဗုဒ္ဓဘာသာဝင်များ
နင်းချန်ရှင်းက သူ့ရှေ့ရှိအဘိုးအိုကိုသိထားပေသည်။ ထိုအဘိုးအိုက နင်းချန်ရှင်း တောင်ပိုင်းဒေသထဲတွင် တရားဟောပြောနေခဲ့စဉ်က သူ့ရှေ့တွင်ပေါ်လာခဲ့ပြီး သူ့အား ဗုဒ္ဓဂိုဏ်းတော်ထဲသို့ဝင်ရန် လာရောက်မေးမြန်းခဲ့သူဖြစ်၏။ သို့သော် နင်းချန်ရှင်းက သူ့ကိုငြင်းပစ်ခဲ့သည်။
လုချန်ရှန်းက နင်းချန်ရှင်းဘက်ကိုလှည့်လာပြီး မေးသည်။
"မင်း သူ့ကိုသိလို့လား"
နင်းချန်ရှင်း ခေါင်းညိတ်ပြလိုက်သည်။ ဤအဘိုးအိုက သူ့ကိုယ်သူ မြင့်မြတ်နှလုံးသားကျောင်းတော်၏ ဗုဒ္ဓကျင့်ကြံသူဟုဆိုပေသည်။ အဘိုးအိုခြောက်ယောက်က မြင့်မြတ်နှလုံးသားကျောင်းတော်မှထိုအဘိုးအိုကိုကြည့်ပြီး မေးလိုက်၏။
"မင်းသူ့ကိုသိလို့လား ဖာ့ယွမ်"
ဖာ့ယွမ်ကလည်း ခေါင်းညိတ်ပြ၏။
ဖာ့ယွမ်ခေါင်းညိတ်ပြသည်ကိုမြင်သော် အဘိုးအိုတစ်ယောက်က ပြောလိုက်လေသည်။
"ဒါဆို သူတို့ကိုသွားခိုင်းလိုက်တော့"
မြင့်မြတ်နှလုံးသားကျောင်းတော်မှာ ဗုဒ္ဓဂိုဏ်းတော်နှင့်မျိုးနွယ်တူတစ်ခုတည်းမှ ဆင်းသက်လာခြင်းဖြစ်သည်။ သို့သော် သူတို့၏စံသတ်မှတ်ချက်များမတူညီမှုကြောင့် ဖာ့ယွမ်က တစ်ကိုယ်တည်းခွဲထွက်ကာ မြင့်မြတ်နှလုံးသားကျောင်းတော်ကို တည်ထောင်ခဲ့လေသည်။
ယခုမူ မြင့်မြတ်နှလုံးသားကျောင်းတော်ကလည်း အနောက်ပိုင်းဒေသ၏ ပင်မအင်အားစုတစ်ခုဖြစ်လာခဲ့သည်။ သို့သော် ဗုဒ္ဓဂိုဏ်းတော်က ပို၍နာမည်ကျော်ကြားလေသည်။ ဖာ့ယွမ် ခွဲထွက်သွားခဲ့သောကြောင့် ဗုဒ္ဓဂိုဏ်းတော်ဘက်က မြင့်မြတ်နှလုံးသားကျောင်းတော်အပေါ် အမြင်ကောင်းမရှိခဲ့ပေ။
တကယ်တမ်းတွင် ပင်မဂိုဏ်းနှစ်ခုမှာ တိတ်တိတ်လေးယှဉ်ပြိုင်နေခဲ့ကြခြင်းဖြစ်၏။ မည်သို့ပင်ဖြစ်စေ ဖာ့ယွမ်ကလည်း ဗုဒ္ဓဂိုဏ်းတော်မှဆင်းသက်လာသူဖြစ်လေသည်။ ထို့ကြောင့် ဗုဒ္ဓဂိုဏ်းတော်ကို အခြားသူများဖျက်ဆီးမည့်အရေးကို ခွင့်မပြုနိုင်သည်မှာ သဘာဝကျသည်။
YOU ARE READING
ငါ့တပည့်တွေက ဘုရင်တွေ
ActionAdmin ဆီက ခွင့်ပြုချက်မရသေးပါဘူး free တင်တဲ့ အတိုင်း တင်ပေးပါ့မယ် admin တွေ လာပြောရင် ဖျက်ပေးပါမယ်။ Start date -21•4•2024(Sunday) End date-
