Unicode~
အတ္တလန်တာမြို့က မနက်လင်းကြက်တွန်သံကြားရတာနဲ့ ဆူဆူညံညံသက်ဝင်လှုပ်ရှားသည်။
ထိုအချိန်ဆို စိတ်ထဲရှိသမျှ အတိတ်ရဲ့ပုံရိပ်တွေက မေ့မေ့ပျောက်ပျောက်။
"ချာတိတ်အပိုင် ကုန်လှောင်ရုံတွေရှိတယ်ဆို"
မနက်စာစားရင်း Jeonနဲ့ မဆုံချင်ဘဲ ဆုံနေရပါတယ်ဆိုမှ Jeonမေးတဲ့မေးခွန်းကြောင့် သောက်လက်စ ကော်ဖီက လည်ချောင်းမှာ တစ်ဆို့သွားရသည်။
Jeon မျက်နှာကို စေ့စေ့ကြည့်သည်၊ အကဲခတ်သည်။ ဒီလူဟာ ဦးလေးရဲ့လူ..ဦးလေး မျက်နှာသာပေးထားသူ။ သူယုံသင့်ရဲ့လား သူ့ဘေးမှာထားလို့ ဖြစ်ပါရဲ့လား။
"ခင်ဗျားက ဘာလုပ်ချင်လို့လဲ"
"ချာတိတ်ခုလို ကုန်လှောင်ရုံကို အလကားထားမယ့်အစား ငှားစားသင့်တယ်လေ။ အခုလိုအချိန်မှာ ကုန်လှောင်ရုံတွေ ငှားတာ ဘယ်လောက်အမြတ်ရလိုက်သလဲ"
ကုန်လှောင်ရုံတွေက ခုလို အကြပ်အတည်းကာလမှာ မရှိမဖြစ်။ ပြည်နယ်ဒေါ်လာစျေးမငြိမ်မသက်ဖြစ်နေချိန်မှာ ကုန်ပစ္စည်းများစုဆောင်းဖို့က အဓိက ဖြစ်လာသည်။
ဒီချိန်မှာ ကုန်လှောင်ရုံတွေက အလွန်အသုံးဝင်တာမို့ အမြတ်များများစျေးတင်ငှားကြသည်။
"ကြိုက်သလိုလုပ်လိုက်"
ကုန်လှောင်ရုံဆိုတာ Taehyungအတွက်တော့ စားကြွင်းစားကျန်လေးတစ်ခု။
မြင်ရတိုင်း မြင်လိုက်တိုင်း စိတ်နာရသည်။
သူပိုင်ဆိုင်သင့်တာ ဒီအသုံးမကျတဲ့ ကုန်လှောင်ရုံဟောင်းကြီးမှ မဟုတ်တာ။
Jeonက ထိုအချိန်မှစပြီး သူ့ရဲ့ ကုန်လှောင်ရုံနဲ့ ပတ်သက်သမျှကို စီမံသည်။
တချို့အိမ်နီးချင်းတွေက အလိုမကျ။
Jeonဟာ အထက်တန်းစားလူဖြူမှန်း သိသာသည့်တိုင် သူ့အကြောင်း ဂဃနဏမသိတာကတစ်ကြောင်း၊ Jeonဟာ အတ္တလန်တာရဲ့ ရပ်ဆွေရပ်မျိုးမဟုတ်တာကတစ်ကြောင်း မျက်မုန်းကျိုးကြသူများရှိသည်။
အတ္တလန်မြို့သူမြို့သားများက Taehyungကို ချစ်ကြသည်။ Taehyungအတွက် သက္ကလတ်ထည်တွေ၊ မြက်ဦးထုပ်တွေ စသဖြင့် လက်ဆောင်လာပေးကြသည်။
Taehyungကို ချစ်လွန်းလို့ပင် Taehyungပိုင်ဆိုင်မှုကိုလည်း သူကိုယ်တိုင်ဦးစီးလျှင်ကောင်းပေလိမ့််မည်ဟု ထင်ကြသည်။
YOU ARE READING
𝑨 𝑹𝒐𝒔𝒆 𝑶𝒇 𝑮𝒆𝒐𝒓𝒈𝒊𝒂 🥀
FanfictionTo my one and only Rose of Georgia... A devastated story between a traumatized boy and a psychiatrist during the American Civil War. Something as deep as ocean was formed between them. Recommended song - That should be me by Justin Bieber ...
