Unicode
" ဂိုးပြီကွ " ဘောလုံးသည် ဂိုးပေါက်ထဲသို့ဝင်သွားသောအခါတွင် ပျော်ရွှင်စွာအော်ဟစ်လိုက်ပြီးတော့ ထိုကောင်လေးသည် အသင်းဖော်သူငယ်ချင်းများနှင့် လက်ဝါးချင်းရိုက်ကာ အောင်ပွဲခံလိုက်သည်။ ထိုနေရာသည် မူလတန်းကျောင်း၏ ဘောလုံးကွင်းဖြစ်ကာ ဘေးချင်ကပ်ရပ် ကလေးဆေးရုံပေါ်ကနေ ရှင်းလင်းစွာ မြင်နေရလေသည်။
ကလေးဆေးရုံ၏ ၃ ထပ်မြောက်ပြတင်းပေါက်ဘေးတွင် အဖြူပေါ်တွင် အပြာအစင်းများပါသောဆေးရုံဝတ်စုံကို ဝတ်ဆင်ထားသော ကလေးတစ်ယောက်က ရပ်ကာ ထိုဆော့နေသော ကလေးများကို ကြည့်နေလေသည်။ထိုကလေး၏ လက်ဖျံ၊ လည်ပင်းတစ်ဝိုက်တွင် ဆေးပြွန်များကို တပ်ဆင်ထားပြီးတော့ ထိုကလေး၏ အသားအရေက သွေးမရှိသကဲ့သို့ ဖြူလျော့နေလေသည်။
ထိုကလေးသည် ပြတင်းပေါက်မှန်ပေါ်ကနေ ထိုကလေးများဆော့နေသည်မြင်ကွင်းကို ထိလိုက်ပြီး တစ်ခဏ၌ မျက်ရည်များဝဲလာသည်။
" သခင်မလေးက လမ်းလျှောက်နေပါတယ်၊ မဒမ် " ဆရာဝန်၏အသံကို ကြားလိုက်တော့မှ ထိုကလေးသည် မျက်ရည်များကို အလျင်စလိုသုတ်လိုက်သည်။ အရောင်မဲ့နေသော ဆေးရုံတွင် ရောက်လာသော ဧည့်သည်က တောက်ပနေသော ရတနာများကို ဆင်မြန်းထားပြီးတော့ ဂါဝန်အကြပ်ကို ဝတ်ဆင်ထားသည်။ ထိုဧည့်သည်ဝတ်ဆင်ထားသော ဒေါက်ဖိနပ်သံ တဒေါက်ဒေါက်မြည်နေပြီးတော့ ထိုအမျိုးသမီးက ကလေးနားသို့ ရောက်လာသည်။
" မာမီ " မိုလန်သည် ခပ်တိုးတိုးလေး ခေါ်လိုက်သည်။ ဟယ်လ်စီယွန်သည် မိုလန်၏ နဖူးကို ငုံ့နမ်းလိုက်သည်။
" ဒီနေ့ နေရတာ သက်သာရဲ့လား ? လမ်းလျှောက်ထွက်နေတာဆိုတော့ ကြည့်ရတာ စိတ်ကျေနပ်နေတဲ့ပုံပဲ၊ ဒီလိုလေး နေ့တိုင်းသာ လိမ္မာနေမယ်ဆိုရင် မာမီ စိတ်မညစ်ရတော့ဘူးပေါ့ "
ဟယ်လ်စီယွန်က မိုလန်၏ ခါးအထိရှည်လျားသော ဆံပင်များကို သပ်ပေးရင်းဆိုလေသည်။ မိုလန်သည် သူ့အမေနဲ့ အတူပါလာသော ကောင်မလေးကို သတိထားမိလိုက်သည်။
ကြည့်လိုက်သည်နှင့် သူမနဲ့ အရွယ်တူလောက်သာ ရှိမည်။ ထိုကောင်မလေးသည် ကောင်းမွန်စွာအရွယ်ရောက်နေသော အယ်လ်ဖာတစ်ယောက်ဖြစ်ကာ ကြည့်လိုက်သည်နှင့် ကျန်းမာသန်စွမ်းသော လက္ခဏာရှိသည်။ထိုကောင်မလေးသည် မိုလန်ကဲ့သို့ပင် မိုလန်က ထိုကောင်မလေးကို စိုက်ကြည့်နေတာတွေ့တော့ ဟယ်လ်စီယွန်က မိတ်ဆက်ပေးလာသည်။
YOU ARE READING
Happy Marriage : Days After 24 Years Old
Fantasyလှပပြီး အောင်မြင်သူများကိုသာ အလေးပေးတတ်သော မမျှတသည့်လောကကြီးထဲက ဝဖိုင့်ဖိုင့်၊ရုပ်ဆိုးဆိုး အိုမီဂါကောင်မလေးတစ်ယောက်နှင့် စိတ်သဘောထားမကောင်းသော အမျိုးသမီးအယ်လ်ဖာ မိုလန်တို့၏ အိမ်ထောင်ရေးဇာတ်လမ်းတစ်ပုဒ်။ Female Alpha + Female omega Omegaverse Unico...
