Day (ဒေး)

Episode 6

''ခဗျားက ဘာလဲ''

ရှိုက်ထားသည့် Cigarette အငွေ့တို့ကိုမှုတ်ထုတ်လိုက်ပြီးနောက် မျက်ခုံးများစုကျုံ့ကာမေးလာသောအခါတွင် နှုတ်ခမ်းတဖက်ကွေးညွှတ်ရုံပြုံးမိသွားသည်။အနီးကပ်ကြည့်သည့်အခါမှပို၍ထူးဆန်းသည့်မျက်လုံးသဏ္ဍာန်တို့မှာ ညို့ဓာတ်ပြင်းရှလွန်းပြီးCigarette ကိုလက်ချောင်းတွေကြားညှပ်ထားသည့်ပုံကအစ  ကြည့်ကောင်းလွန်းနေ၏။

''ကိုယ်က...?''

''ကျစ်! ကျုပ်မေးတာဘာလို့ဒီနေရာကိုလာတာလဲ ဒီနေရာက ကျုပ်တစ်ယောက်တည်းနေတဲ့နေရာ''

ထိုသို့ပြောလိုက်သည့်အခါ သဘောကျမိ၍ ခပ်ဟဟရယ်လိုက်သည်။

''ကပ်စေးနည်းလိုက်တာ''

တစ်မြို့လုံးကိုခြုံငုံမြင်နေရသောမြင်ကွင်းဘက်သို့မျက်နှာမူ၍လက်ပိုက်ကာကြည့်ရင်းပြောလိုက်တော့ ဒေးက ထိုင်ရာမှထလာပြီးသတ္တအနားလျှောက်လာ၏။

''ဘာ!''

''ဒီလောက်ကောင်းတဲ့နေရာလေးကိုတစ်ယောက်ထဲအပိုင်စားလိုချင်တာတော့ မတရားရာကျတာပေါ့ ညီ''

''ဟေး ခဗျားအခုဘယ်သူ့ကိုစကားပြောနေတယ်ထင်လဲ''

လေသံခပ်မာမာနှင့်တည်တင်းနေသော မျက်နှာပိုင်ရှင်ဘက်သို့လှည့်ကာ အနားသို့တလှမ်းချင်းစီတိုးသွားလိုက်သည်။ ထို့နောက် ဒေးရဲ့အရှေ့တွင် လက်ကိုပိုက်ထားလျက် မျက်နှာချင်းဆိုင်ရပ်နေလိုက်၏။

''ဒေး...ဝဏ္ဏဒေး''

Cigarette ကို နောက်တကြိမ်ဖွာရှိုက်ရင်း သတ္တရဲ့ မျက်နှာရှေ့သို့အခိုးအငွေ့များကိုမှုတ်ထုတ်လိုက်ကာ မျက်ခုံးတဖက်ပင့်လာပြီးနောက်။

''ကျုပ်ဘယ်လိုကောင်လဲခဗျားမသိသေးခင် စကားပြောဆင်ခြင်လိုက်တာကောင်းမယ်''

ထင်ထားသည်ထပ်ပို၍ ဂျစ်ကန်သည့်အခါ ထပ်သဘောကျမိပြန်သည်။အယောက်၁၀၀၀တွင် ၁ယောက်လောက်မရှိသည့် Typeမျိုးဖြစ်သည့်အတွက် Dayအား စိတ်ဝင်စားပြီးရင်းစိတ်ဝင်စားမိလာ၏။အနည်းငယ်ဖရိုဖရဲဖြစ်ကာရွဲ့စောင်းနေသော Duty Coat အဖြူရောင်ဆီလက်တွေလှမ်းကာ ပြင်ပေး၍။