හිමකර කඩුපුල්....

කඩුපුලේ සවැනි දිග හැරුම....

තේජාන් - ඔව්. ඒ මීට කලින් ඔයා මං කියන හැමදෙයක්ම ඒ විදියටම කලා නිසයි. අද එපා කියන දේ කලා නිසානේ මෙහෙම අත් තුවාල කර ගත්තෙ. කොහෙද කියනවා ෆස්ට් ඒඩ් බොක්ස් එක.

නවම් -  ඒක කේෂ්ලා ගෙනිච්ච බඩු පෙට්ටිවල.

තේජාන් - මරු. පොඩ්ඩක් ඔහොම ඉන්නවා මං කඩේට ගිහින් එන්නම්.

නවම් - ඕන නෑ තේජාන් අත හේදුවට පස්සෙ ලේ එන එක නතර උනා. කරදර වෙන්න එපා.

නවම් කෙතරම් ආයාචනා කලද ඔහුගෙ කීම ගණනකටවත් නොගත් තේජාන් දෙපයින් ම ගමන් ගන්නට වූයේ සිල්ලර කඩය සොයා ගැනීමේ අදහසිනි.

මොහොතකින් දාඩියත් පෙරාගෙන ඔහු නවම් අසලට පැමිණෙන්නට වූයේ කුඩා බෙහෙත් පැකැට්ටුවක් අතැතිවයි.

නවම් - මං නිසා බොරුවට කරදර වෙනවනෙ තේජාන්. බලන්නකො ඔයාට දාඩියත් දාලා

තේජාන් - ඉතින් ?? මං අත්පුඩියක් ගහන්න ද ඒ කතාවට?? කට වහන් ඉන්න තරමට මං කැමතියි නවම්. වැරැද්දක් කලාට පස්සෙ නිදහසට හේතුයි කොහෙවත් නැති වල්පල් කතායි මට අදාලම නෑ.

නවම් - ආෂ් රිදෙනවා තේජාන්.

තේජාන් - ඉතින්??පණ්ඩිතකමට මං කියන දේ අහන්නැතුව හිටියනම් බෙහෙත් ටික දාල ඉවර වෙනකන් දගලන්නැතුව ඉන්න. ඊට පස්සෙ නහයෙන් අඩන්න එපා රිද්දුවා කියලා හරිද.

නවම් - ම්ම්ම්ම්.

තවත් මොහොතකින් නවම්ගෙ තුවාලය පිරිසිදුකොට එයට බෙහෙත් ආලේප කල තේජාන් එතැනින් නැගිට සූදානම් වූයේ බිදුණු වීදුරු කැබලි ඉවත් කිරීමටයි.

තේජාන් - ඔතනින් නැගිටලා වෙන තැනකින් ඉදගන්න. මං වීදුරු කටු ටික අයින් කරලා අනිත් බඩු පෙට්ටි ටික එලියෙන් තියන්නම්.

නවම් - තේජාන්......

කෙදිරිලි හඬකින් මෙන් එවදන් පිට වූ විට තේජාන් තරමක් බියට පත් විය.

තේජාන් - ඇයි??

නවම් - ම් මට්-ට ක් කලන් - කලන්තෙ වගේ.

තේජාන් - ආෂ්.... ලේ දකින්න බැරිද නවම් ඔයාට?? නැගිටින්න එපා ඔතනම ඉන්න. මං ඉක්මනට වතුර එකක් අරන් එන්නම්. අනේ ඔතනම ඉන්න නවම් හරිද. එපා කියන දේවල් කරන්න ගිහින් තවත් කේන්ති ගස්සන්න එපා මාව.